اتكلم قول ما تخفش

اتكلم قول متخفش
الكلمة ما تموتش
غير لو واقفت فى الزور
او ماتت جواك
عبر واعبر فوق احزانك
اوعى تموت واقف فى مكانك
الحريه ما تتسولش
****
قول آه وآهين وتلاته
اتحرر من خوفه بيها
الحرية تا تا ،تا تا
بشوياش على مهلك خطيها
اتكعبل مرة
اتشقلب مرة
لكن بالمرة ماتسكتش

****
قول آه م الظالم
تنزل زى السوط مكتوم
ده الظالم موته وسمه
يسمع صوت مظلوم
اصرخ فى عنيه هتشوف
ازاى بيموت جواه م الخوف
وكل ما يعلى الصوت
هتشوف ازاى بيكش
****
خايف م الموت
هتموت هتموت
لكن فى ميعادك بالمظبوط
وبيدك وحدك تختار
موتة من الاتنين
يتموت مرفوع الراس
يتموت مكسور العين
منطوف الرمش

من تاليفى
مع تحيات
حسين الشاعر
اسير العيون

تسلم على هالكلام الحلو والكلمات الرائعة شكرااااااااااا

بجد كلامك رائع ياشاعر المنتدى

احييك على كلماتك

تقبل مروري

والى الامام دوما

اشكركم على المرور الذى اضاف لموضوعى روعة وبهاء