كان مالى ومال غرامك

اهدى هذه الاغنية من تاليفى الى المبدعة
التى ابدعت لى طلبى

الاخت
(مونى)


كان مالى ومال غرامك ****ياجميل زى القمر
من يوم ما سكنت جارك****وانا بعشق السهر
ياجميل زى القمر
ياجميل وملكش زى _*_*_فى الحسن والادب
كان ايه رماك على _*_*_نفس اعرف السبب
مش عارفه ايه جرى لى*يادوباك من يومين
هواك غير لى حالى**من نظرة وكلمتين
ما تقولى ايه الخبر
ياجميل زى القمر
****

بسهر ليلاتى على الشباك*_*_*ادخل واخرج كل شويا
واعمل ايه! قال مش شايفاك *_*_* لحد ما تمسى عليا
ادخل واجرى ارقص م الفرحة
واشوفنى معاك وانا ليسه الطرحه
وعيون الناس فى جمالك سارحه

ياجميل زى القمر

****
كان مالى ومال عينيك ***ياريت ما قبلتهم
ولاخدنى قلبى ليك ***ورمانى فى بحرهم
من يوم رمشك ما صبنى
ورمانى هواك وصبنى
معرفش ايه اللى صابنى
دوبنى فى السهر
ياجميل زى القمر
*****

اللللللللللللللللللللله تسلم يارب ولايرحمنا منك ابدااااا

مين قدىىىىىى
والله ماعارفة اقولك ايه تسلم ايدك وانا تحت امرك فى طلب
وفى اى وقت انا موجودة
تصدق مش لاقيه كلام ارد بيه عليك والله
غير انك كلك زووووووووووووووق يا زووووووووووق