ليتك تعرف تخون واقول خني

يكبر قسـى جـرح السنيـن ويعنـي
رجل الحزين اللي على حـد الإدراك

هذا أنا يوم أخلـف الوقـت ظنـي
الحـزن حزنـي والسوايـا سوايـاك

بكيـت وأبكيـت العيـون وبكنـي
تعال شفني كل مـا حـان ذكـراك

كم واحـدٍ جانـي بعـدك وسألنـي
شخبار من حبيت وأقفـى وخـلاك؟

وأصـد والحـزن الخفـي ممتحـنـي
وأن قلت : منهو ؟ قيل: ماهوب يخفاك

قيل : العوض قلت : العوض ما شحني
والله لا هـــــذا ولا ذا ولا ذاك

يـا مـا بعضهـم مرنـي مـا فتنـي
يا جعل ماهم بالعـوض فـي محيـاك

الله لا يجبـر عـزا مــن عذلـنـي
ما جاه ما جاني ولا جـاه مـا جـاك

واللي عذل ويقول ( لو و لـو أنـي )
جعل يعشق لـه واحـدٍ كنـه إيـاك

مـا فيـه شـيٍ فـي حياتـي غبنـي
الا نهار أقفيت وأنـا أسمـع إبكـاك

الله مـن جـرحٍ قـديـمٍ مكنـيـأ
مداك نزفه لكـن ادواه مـا أمـداك

عليّ كـم جـار الزمـان وطعنـي
أسمع صدى صوت المعاليـق تنخـاك

عليّ كـم جـار الزمـان وطعنـي
أسمع صدى صوت المعاليـق تنخـاك

وين أنت ياللي كل ما غبـت كنـي
واقف على بـاب الأمـل وأتحـراك

ليتك تعـرف تخـون وأقـول خنـي
على الأقل القـى سبـب وأتنسـاك

ليتك تعـرف تخـون وأقـول خنـي
على الأقل القـى سبـب وأتنسـاك

وليت الزمن فمحبتـك مـا خذلنـي
وليت الهجر من طيب خاطرك ورضاك

لـو أن قربـك والوصـل بالتمنـي
ما غبت عن عيني كثـر مـا اتمنـاك

خايف يطـول البعـد وتسـج منـي
وياخذ مكانك شخص ماهوب يسواك

وش عاد أسوي يومك أقفيـت عنـي
لا أنا أتبع المقفي ولا أحـب فرقـاك

لـو أن قربـك والوصـل بالتمنـي
ما غبت عن عيني كثـر مـا اتمنـاك

خايف يطـول البعـد وتسـج منـي
وياخذ مكانك شخص ماهوب يسواك

روووووووووووووعة اخى ناوى

ولا تحرمنا جديد ابداعاتك

لك ودى واحترامى

وين أنت ياللي كل ما غبـت كنـي
واقف على بـاب الأمـل وأتحـراك

الله ناوي ابيات رووووووووووعه وهذي اهداء للك

علشان تعرف قدرك عندي

موني

اسعدني تواجدك الجميل والمنور

تحياتي لك

فرفوشه

تسلمووووووووووو ع الاهداء
وقدري معروووووووف عند مايحتاح
لاصرتي من 000
تحياتي لك واشتيافي

روووووووووووووعة اخوي ناوى

ولا تحرمنا جديد ابداعاتك