(( يلعن ابو رجال يذله هوى بنت )) . . .

السلام عليكم ورحمة الله وبركاته

هذي قصيدة بعنوان (( يلعن ابو رجال يذله هوى بنت )) . . .

فحبيت انقلها لكم وانشالله راح تعجبكم

ياللـي بأساليـب الخيانـه تفننـت = = = وش رجعك عقب الجفا والقطاعـه؟؟

فارق عيوني وابعد ارجـوك لاهنـت = = = دامك تصنعـت المشاعـر صناعـه

لعبـت لعباتـك بتمثيـل واتقـنـت = = = وألفـت كذباتـك بفـن وبـراعـه

وخليتنـي بالنـار يومـك تمكنـت = = = وقعدت ادوّر فـي هـواك الشفاعـه

لآن الحجر من حالتي وانت مالنـت = = = لأني اعطيتـك غـلا عـن قناعـه

ساويتك بروحي ومن قلبي احسنـت = = = وزرعت حبك في ضميـري زراعـه

غدرت بي واخلفت ضني بك وخنـت = = = وخذيت حبـي لـك مجـرد اشاعـه

لاتقول ابرجع بالهوى مثـل ماكنـت = = = ضاع الهوى وانت السبب في ضياعه

يوم اني اسهر بالغرابيل وين انت؟؟ = = = يـوم اتحـرى جيتـك كـل ساعـه

ياللي مـع الأيـام ضـدي تلونـت = = = يامن تفنـن فـي وسايـل خداعـه

بك من تواصيف الغـدر لاتمسكنـت = = = كنه اخوك من الصـدر والرضاعـه

يالمعدن اللي حكـك الوقـت بيّنـت = = = بيّن صداك اللـي خذيتـه بضاعـه

ربتني الدنيا علـى يديـك وايقنـت = = = ان ماكل من يطمح طموح استطاعه

اليوم عقب اللـي جرالـي تمعنّـت = = = والحـر بعيونـه يبيـن انطبـاعـه

كانك مع العـاذل وهمـي تعاونـت = = = عندي شهاده بالصبـر والشجاعـه

وان كانك اسلوب التحدي لي اعلنت = = = ابشـر برجـالٍ يشـمٌـر ذراعــه

انا كـذا طبعـي وبأطباعـي امنـت = = = من عافنـا يحـرم علينـا اتباعـه

واللي معي صادق بعيني له اسكنـت = = = عندي عن اسلوب الخيانـه مناعـه

تدري؟؟ مدامك للهوى اليوم ماصنت = = = اقولهـا بوجهـك وكلّـي قنـاعـه

يلعن ابو رجـلٍ يذلـه هـوى بنـت = = = إذا تخلـى لأجلهـا عـن طبـاعـه

ـــــــــ

للشاعر: ماجد الرويلي

وتقبلوا تحيااااااااتي

°ˆ~*¤®§(*§*)§®¤*~ˆ° سلطان الغرام °ˆ~*¤®§(*§*)§®¤*~ˆ°

سلطان

تسلموووووووووووووو ع النقل الجميل

تحياتي لك

يسلموووووو أخوي الحبيب / ناوي أعقل

يكفيني شرفاً مرورك الكريم على مشاركتي المتواضعة ونثر عطرك في أجوائها

لتزداد تألقاً وبريقاً 0

ولك مني آرق تحياتي

كلماات بقمة الرووووووعة سلطان

قصيدة مؤثرة جداااا وتحمل معانى جميله

اتمنى لك مزيدااا من التوفيق

لك ودى وتقديرى واحترااامى

مونى

يسلموووووو يالغلا / موووووووووووووووني

يكفيني شرفاً مرورك الكريم على مشاركتي المتواضعة ونثر عطرك في أجوائها

لتزداد تألقاً وبريقاً 0

ولك مني آرق تحياتي

نقل مبدع من شخص ابدع بالنقل