أنا ليه عِشِقْتك ؟ ليه هويتك ؟ ليه ملكتيني ؟
و ليه باحس بقسوة فيكي.. لما بتجيني ؟
و الحزن ليه في عنيكي فوق الحد ؟
والقلب ليه مقفول ما دخلوش حد ؟
والرد ليه دايماً عنيد مُحْتدّ ؟
وبعدها ألمح عنيكي بطيبة تناديني !!ـ
***
مجروحة ؟ جايز ! بس ليه جارحاني ؟!ـ
وانا لمس كفّي فوق خدودك حاني
بارضيكي واسترضيكي.. وانت مش فاهماني
أنا ليه عشقتك ؟ ليه هويتك ؟ ليه ملكتيني ؟
***
حسّاني ؟ قــولي.. ولاّ مش حسّاني ؟
عايزة هوايا.. ولاّ عايزة هواني؟!ـ
دانا روحي فيكي.. وانت روحي..ـ
بس مش ساكناني!!ـ
أنا ليه عشقتك ؟ ليه هويتك ؟ ليه ملكتيني ؟
موضوع: انا ليه عشقتك 
